Azərbaycanda ipoteka kreditləşməsi üzrə artım davam edir.
Oxu.Az xəbər verir ki, bu barədə Mərkəzi Bankın "Maliyyə Sabitliyi Hesabatı"nda qeyd olunub.
Bildirilib ki, 2025-ci ildə ipoteka portfeli illik əsasda 8.4% artaraq 4.6 milyard manata yüksəlib.
Məlumata görə, 2024-cü ilin sonu ilə müqayisədə portfeldə 356 milyon manat artım qeydə alınıb. Bunun 251 milyon manatı və ya 70%-i dövlət ipotekası proqramının, 105 milyon manatı və ya 30%-i isə bankların daxili ipoteka proqramlarının payına düşüb.
Hazırda dövlət vəsaiti hesabına verilmiş ipoteka kreditləri ümumi portfelin 55.9%-ni təşkil edir və bu məbləğ 2.57 milyard manatdır. Bankların öz vəsaitləri hesabına verilmiş ipoteka kreditləri isə portfelin 44.1%-ni və ya 2.03 milyard manatı əhatə edir.
