Azərbaycanda nazirdən yüksək vəzifəyə TƏYİNAT - FOTO

İqtisadiyyat Nazirliyində yeni təyinat olub.

Oxu.Az-ın məlumatına görə, bu barədə nazir Mikayıl Cabbarov əmr imzalayıb. 

Əmrə əsasən, Kənan Nəcəfov Sahibkarlığın İnkişafı Fondunun İdarə Heyətinin sədri təyin edilib.

Qeyd edək ki, Bakı Dövlət Universitetinin Beynəlxalq hüquq fakültəsinin məzunu olan Kənan Nəcəfov ABŞ-ın Pensilvaniya Universitetinin Uorton Biznes Məktəbində biznes inzibatçılığı, Amerikan Universitetinin Vaşinqton Hüquq Kollecində beynəlxalq biznes hüququ üzrə magistr dərəcələrini əldə edib.

O, xarici ölkələrdə tanınmış beynəlxalq şirkətlərin menecmentində, o cümlədən, “Baker Botts LLP” hüquq firmasında, “BP”, “Exane BNP Paribas”, “Citigroup” şirkətlərində işləyib, həmçinin, Dünya Bankının Azərbaycan nümayəndəliyində çalışıb, Azərbaycanda “Nobel Oil” şirkətində Baş icraçı direktorun müavini olub. 

Sahibkarlığın İnkişafı Fondunun İdarə Heyətinin sədri vəzifəsinə təyin edilənədək sahibkarlıq fəaliyyəti ilə məşğul olub.

İlhamə Əbülfət