Bakının Mərdəkan qəsəbəsində yeni, müasir çimərlik istirahəti və əyləncə mərkəzi olan "Dalga Beach-Aqua Park" istifadəyə verilib.
Oxu.Az xəbər verir ki, istirahət mərkəzində uşaqlı, böyüklü hər kəsin vaxtını səmərəli keçirməsi üçün şərait yaradılıb.
Yayın qızmar günəşindən qaçıb istirahət etmək, əylənmək istəyənlər üçün "Dalga Beach-Aqua Park" ən doğru məkandır. İşdən vaxt tapa bilməyib, büdcəsini düşünüb dağlara, rayonlara gedə bilməyənlər bir an belə tərəddüd etmədən yolunu Mərdəkanda yerləşən "Dalga Beach"dən sala bilərlər. Antalyadakı, Bodrumdakı istirahət mərkəzlərini xatırladan bu məkan gələn qonaqları bir neçə saatlıq uzaqlara aparacaq...
Keyfiyyətli və rahat...
İstirahət mərkəzinin tikintisinə 3 il öncə başlanılıb. "Dalğa Arena"nın yaxınlığında yerləşən kompleksin ümumi ərazisi 5 hektardır. İstirahət mərkəzinə yaxınlaşdıqda ilk olaraq, təxminən 500 avtomobilin park edilə biləcəyi avtodayanacaq diqqəti cəlb edir. Yəni, öz vaxtını burada səmərəli keçirmək istəyənlər, lakin "avtomobil saxlama" dərdi çəkən qonaqlar düşünmədən "Dalga Beach-Aqua Park"ı seçə bilərlər
Akvapark
Avtodayanacaq
Sizin rahatlığınız üçün...
"Dalga Beach-Aqua Park"da hər şey qonaqların rahatlığına hesablanıb. Mərkəzdə 310 nəfər işçi heyəti qonaqların istirahət və əyləncəsini təmin etmək üçün çalışır. Gülərüz və peşəkar kollektivin xidmətləri gələn qonaqların istirahətinə əlavə rəng qatacaq.
Su attraksionu
Gələrsən, görərsən...
Müştərilər 30 manat ödədikdən sonra kompleksə daxil ola biləcəklər. Bundan sonra qonaqlara "qol lenti" verilir və bu lent vasitəsilə məkan daxilində istirahətin ləzzətini dadmaq mümkündür. Bu lent istirahətini "Dalga Beach-Aqua Park"da etmək istəyənlər üçün bir növ plastik kart rolunu oynayır. Hər bir müştəriyə verilən lentə girişdə yerləşən köşkdə pul yükləmək mümkün olacaq. Həmin məbləğlə isə kompleksdə olan xüsusi xidmətlərdən yararlanmaq mümkündür. Müştərilərin əşyalarının təhlükəsizliyi üçün girişdə xüsusi otaq yaradılıb. İstirahət edib əylənərkən çanta və digər əşyalarından qurtulmaq istəyənlər "qol lenti" vasitəsilə işləyən və yalnız sahibi tərəfindən açılıb-bağlanan qardiroblara üz tuta bilərlər.
Kompleksin qeydiyyat bölməsi
"Dalga Beach"də "Golf Car" səyahəti
Əyləncə sevənlər 22 nəfərlik komandanın xidmətlərindən istifadə edə bilərlər. Bu komanda müştərilərə rəqs kursları, səhər idmanı, gimnastika məşqlərini keçməklə onların vaxtlarının səmərəli keçməsinə kömək edəcək. Əyləncə kompleksində müştərilərin ərazidə daha rahat hərəkət etməsi və yüklərinin daşınması üçün "Golf Car"lardan istifadə olunacaq. 10-a yaxın "Golf Car" VİP qonaqlar və ailə xidməti üçün nəzərdə tutulub.
Golf Car
Balacaların "Kids Club"u
Təbii ki, ən xırda detalı belə qonaqların rahatlığına hesablanmış mərkəzdə uşaqlar da diqqətdən kənarda qalmayacaq. Elə girişdəcə balacaları xüsusi maskotlar qarşılayacaq. "Dalga Beach-Aqua Park"ın balacalar üçün göstərdiyi xidmət yalnız bununla bitmir. Ərazidə uşaqların əyləncəsi və istirahəti üçün hər cür şərait yaradılıb. Onlar üçün xüsusi istirahət guşələri yaradılıb ki, körpələr burada tam rahatlıqla istirahət edib, əylənə biləcəklər. 32 nəfərlik yataq yeri olan "Kids Club"da balacaları düşünmədən "Dalga Beach-Aqua Park"ın peşəkarlarına həvalə etmək olar. Həmin ərazidə uşaqların vaxtının şən keçirilməsi üçün kiçik attraksionlar da quraşdırılıb. Burada balaca qonaqlar vaxtlarını səmərəli keçirəcək. Valideynlər öz körpələrini "Kids Club"a əmanət edərək, sərbəst şəkildə istirahətin dadını çıxara bilərlər.
Kids Club
Milli mətbəxdən dünyaya açılan pəncərə
Təbii ki, istirahət zamanı ac qalmaq, qidalanmamaq insanın əhvalını əməlli-başlı korlaya bilər. Qonaqları müxtəlif yeməklər - isti və soyuq xörəklər, qəlyanaltılar, dondurmalar və yayın istisində sərinləmək üçün istənilən sərinləşdirici içkilərlə təmin edən Azərbaycan, Türkiyə və İtaliyadan olan peşəkar aşpazların çalışdığı 6 restoran fəaliyyət göstərir. Bir dəfə milli mətbəxin müxtəlif növ yeməklərini müştərilərə təqdim edən bu restorana gələnlər çətin ki, başqa məkan seçsinlər. Azərbaycan təamlarının əsl dadını hiss etmək istəyənlər yolunu buradan sala bilərlər. "Azəri" restoranı eyni zamanda 110-120 müştəriyə xidmət göstərə bilir.
Restoran
Dəniz kənarında "Kabab evi"
Sözsüz ki, istirahət zamanı istənilən kimi qidalanmaq üçün "Avropa və dünya mətbəxinin də dadına baxaq" deyənlər az deyil. Bunun üçün, sadəcə "Dalga Beach-Aqua Park"da yerləşən Avropa və dünya mətbəxinin təamlarını təqdim edən restorana baş çəkmək kifayətdir. Peşəkar aşpazlar tərəfindən hazırlanan və təqdim olunan bu yeməklərdən ləzzət almamaq olmur. Yox, əgər siz Avropa və dünya mətbəxinə deyil, kabab yeməyə üstünlük verirsinizsə, o zaman doğru ünvan elə həmin məkanda yerləşən "Kabab evi"dir. 200 nəfərə xidmət göstərən "Kabab evi"ndən razı qalmamaq mümkün deyil.
Kəbab evi
Qızmar günəş, sərin hava və dondurma
Hər bir insan yayın istisində istirahətə yollanarkən ilk növbədə sərinləmək haqda düşünür. Dəniz kənarında istirahət, istənilən kimi qidalanmaq və... Yəqin yay aylarında dondurma sevənlər də az deyil. Əyləncə və istirahətini dondurma ilə davam etdirmək istəyənlər "Dalga Beach-Aqua Park"da yerləşən "İce Cream"ə üz tutsalar peşman olmazlar. Keyfiyyətə üstünlük verən peşəkarların çalışdığı bu məkana kənardan heç bir qida məhsulu daxil olmur. Elə, dadı damaqda qalacaq dondurmalar da "İce Cream"in peşəkarları tərəfindən hazırlanır. Əgər şirniyyat sevirsinizsə, "Cookics Cafe" sizin zövqünüzə və istəyinizə uyğun çeşidləri ilə xidmətinizdə olacaq.
Kafe
"Yelkən" və "Mayak"
Qonaqların istirahətini ürəkləri istəyən kimi keçirmələri üçün sadalananlardan əlavə daha iki restoran fəaliyyət göstərir. Bunlar "Yelkən" və "Mayak" restoranlarıdır. Balığın əsl ləzzətini dadmaq istəyənlər üçün bundan yaxşı məkan ola bilməz. Bu restoranların digərlərindən fərqi yeməklərin, çörəyin, şirniyyatın, bir sözlə, bütün məhsulların mərkəzdə hazırlanmasıdır. İstirahət etmək istəyənlər üçün sadalananlardan - milli, Avropa və dünya mətbəxi, kabablar, balıqlar, şirniyyat və dondurmadan sonra müxtəlif oyunlar oynamaq imkanı da yaradılıb.
"Mayak" restoranı
Müştərilər üçün "Game Zona"
Əməkdaşımızla söhbətində mərkəzin müdir köməkçisi Cenk Özdəmir "Dalga Beach-Aqua Park"da "Game Zona"nın fəaliyyət göstərdiyini bildirib. Burada oyunsevərlər bilyard, stolüstü xokkey, stolüstü tennis, "Play Station" və kompüter oyunları ilə vaxtlarını səmərəli keçirə biləcəklər. Əgər siz stolüstü və kompüter oyunlarını sevirsinizsə, demək doğru ünvandasınız.
Uşaq hovuzu
Gəl mala, qoyma qala...
Bundan başqa, ərazidə bol çeşidli market də fəaliyyət göstərir. Təbii ki, bu addım qonaqların seçim müxtəlifliyi nəzərə alınmaqla atılıb. Öz istəklərinə görə qida və ya içki istəyən qonaqlar "Dalga Beach-Aqua Park"ın marketinə baş çəkə bilərlər.
Su attraksionları
"Dalga Beach"də sörf
C.Özdəmirlə ərazidə gəzinti zamanı sözün əsl mənasında əyləncə və istirahət mərkəzinin gözoxşayan tərəfləri də məlum olub. 3 müxtəlif hovuzun yerləşdiyi məkanda dalğalanan hovuzu görməmək mümkün deyil. Sörf həvəskarlarının zövqünü oxşayacaq bu hovuz sanki okeanı xatırladır. Sörf eşqiylə alovlananlar bundan sonra tam rahatlıqla okeana, hansısa əcnəbi ölkəyə deyil, "Dalga Beach-Aqua Park"a üz tutsalar, heç də peşman olmazlar.
Sörfinq hovuzu
VİP-lər üçün
Çox səs-küy sevməyən və sakit istirahətə üstünlük verənlər VİP hovuz və otaqlardan istifadə edə bilərlər. İcarəyə verilən istirahət otaqlarında yaxşıca dincələn qonaqlar üçün ikinci mərtəbədə yerləşən hovuzda çimib, günəşdə qaralmaq ən optimal seçim olar. VİP hovuzun digərlərindən fərqi onun icarəyə verilməsidir. Digər hovuzlardan bütün müştərilər istifadə edə biləcəklərsə, VİP-də yalnız icarəyə götürənlərin əylənmək imkanı olacaq. Kiçik hovuzdan əlavə vəsait ödəməklə yalnız qadınlar istifadə edə bilərlər. Həmçinin hovuzu bütün günlük icarəyə də götürmək mümkündür.
VİP hovuz
Sadə hovuz və su barı
İstirahət məkanında öz sadəliyi ilə fərqlənın digər bir hovuz da fəaliyyət göstərəcək. Qonaqların zövqünə oxşayacaq bu hovuzun üzərində kiçik körpü var ki, burada istirahət etmək üçün hər bir şərait yaradılıb. Üstəlik, hovuzda yaradılan su barını da yenilik adlandırmaq olar. Sifariş verən müştərilər özləri üzərək bara gedib, orada sərinləşdirici içkilər sifariş edə bilərlər.
Hovuz və su barı
...Yenə də balacalar unudulmadı
Uşaqların əylənməsi və istirahətini hər cür təmin edən peşəkarlar balacalar üçün istifadəyə verilən hovuza da xüsusi diqqət yetirir. Yalnız azyaşlılar üçün nəzərdə tutulan bu hovuzun dərinliyi 60 sm-dir. Bu isə uşaqların tam təhlükəsiz şəraitdə yayın ləzzətini çıxarmasına imkan verir. Hovuzlar səhər saat 8-dən axşam 19:00-a qədər fəaliyyət göstərəcək. Hovuzlar bağlandıqdan sonra suda təmizlənmə işləri aparılır.
Uşaqlar üçün duş
Uşaqlar üçün hovuz
200 metrlik hündürlükdə gəzinti
Türkiyənin Antalya şəhərində böyük layihələrə imza atan C.Özdəmir müştərilərin istirahəti üçün paraşütlərin də olacağını bildirib. Arzulayanlar bu paraşütlər vasitəsilə hava gəzintisinə də çıxacaqlar: "Paraşüt olan katerləri Türkiyədən dəvət olunan kapitanlar idarə edəcəklər. Həmin paraşütlərin start hündürlüyü 80-90 metrdir, paraşüt 200 metrə qədər yüksəkliyə qalxa bilər".
Sahildə istirahət üçün divanlar
2 il qabaqlayaraq...
Təbii ki, gecə əyləncəsini sevən müştərilər də yaddan çıxmayıb. Burada xüsusi səs və işıq sistemlərindən istifadə olunacaq ikimərtəbəli disko klub da fəaliyyət göstərəcək. Buradakı sistemlər istehsalçı şirkət tərəfindən geniş satışa hələ 2017-ci ildə çıxarılacaq. Disko klubda dünyaca məşhur DJ-lər də qonaq olacaq. Onlar hər 15-20 gündən bir 1-2 həftəlik müştərilərə xidmət etmək üçün "Dalga Beach-Aqua Park"da olacaqlar.
Disko klub
Xəyallarınızın gerçəkləşdiyi məkan
Təbii ki, yüz eşitməkdənsə, bir dəfə görmək daha yaxşıdır. Bu istirahət mərkəzinə ayaq basanlar çətin ki, oradan uzaqlaşmaq istəsin. Üstəlik, "Dalga Beach-Aqua Park"ı digər məkanlardan fərqləndirən cəhətlər yalnız yuxarıda sadalananlarla bitmir. Ona görə ki, bu kollektivin hədəfi var. Məqsəd Azərbaycanın turizm sahəsinə yeni rəng qatmaq, turizmə fərqli görünüş yaşatmaq və xidmətlərin keyfiyyətini yüksəltməkdir. Elə Cenk Özdəmirin "Dalga Beach-Aqua Park" haqda dediyi kimi: "Sizin xəyallarınız gerçəkləşir"...
İstirahət üçün xüsusi yay məkanları
