Bu ilin yanvar-may aylarında Azərbaycanın strateji valyuta ehtiyatları 1,3 milyard ABŞ dolları və yaxud 1,8% artaraq 69,7 milyard ABŞ dollarına çatıb.
Oxu.Az xəbər verir ki, bu barədə Azərbaycan Mərkəzi Bankı məlumat yayıb.
Məlumata görə, profisitli tədiyə balansı valyuta bazarında tarazlığın qorunmasında həlledici rol oynayır. 2024-cü ilin I rübündə tədiyə balansının cari əməliyyatlar hesabındakı profisitin ümumi daxili məhsula (ÜDM) nisbəti 10,1% təşkil edib.
