Ən son xəbərləri bizim Telegram kanalımızda izləyin
Bakı Metropolitenində fransız qatarları işləyəcək
Metropolitenə yeni qatarlar gətiriləcək. Artıq bununla bağlı Fransanın Alstom şirkətilə müqavilə imzalanıb.
Oxu.Az AzNews.az-a istinadən xəbər verir ki, bu barədə “Bakı Metropoliteni” Qapalı Səhmdar Cəmiyyəti mətbuat xidmətinin rəhbəri Nəsimi Paşayev məlumat verib.
O, bildirib ki, Bənövşəyi xəttin ilk stansiyaları olacaq “Avtovağzal” və “Memar Əcəmi-2” stansiyalarının platformaları 7 vaqon üçün nəzərdə tutulsa da, ilk etapda 5 vaqonluq qatarlardan istifadə olunacaq.
“Hər biri 5 vaqondan ibarət 3 qatardan, yəni ümumilikdə 15 vaqondan istifadə edilməsi nəzərdə tutulub. Qatarlar müasir standartlara cavab verən, güclü ventilyasiya, havalandırma, kondisioner sistemilə təchiz olunacaq. Həm görünüşü, həm də rahatlığı və təhlükəsizliyi baxımından müasir tələblərə cavab verən vaqonlar olacaq. 12 may 2014-cü il tarixində Bakıda keçirilən Fransa-Azərbaycan biznes forumunda Fransanın Alstom şirkətilə bu barədə anlaşma memorandumu imzalanmışdı. Böyük ehtimalla yeni vaqonlar da həmin şirkətdən alınacaq”,- deyə QSC rəsmisi bildirib.
"Azərbaycan" teqi üzrə xəbərlər
- Nikol Paşinyandan etiraf: "Mən böyük səhv etdim"
- Türkiyə vətəndaşı Azərbaycanda öldü
- Köhnə dünyanın fiaskosu: "Güllələrin istehsalı çörək istehsalını qabaqlayıb"
- Abdulkadir Uraloğlu: "Türkiyə-Azərbaycan tranzit keçid sənədi kvotası 100 minə yüksəldildi"
- Göyərtəsində azərbaycanlıların olduğu gəmi Kerç boğazında çətin vəziyyətə düşüb
Ən çox oxunanlar
