Fevralın 21-də Bakıda növbəti 2-ci “Mövsüm Səyahət Yarmarkası” keçiriləcək.
Bu barədə Oxu.Az-a nazirlikdən bildirilib.
2-ci “Mövsüm Səyahət Yarmarkası” bu dəfə “28 Mall” ticarət mərkəzində keçiriləcək. Daxili turizmin dəstəklənməsi və təbliğ etdirilməsi məqsədilə baş tutacaq növbəti yarmarka Novruz bayramı münasibətilə təşkil edilir.
Qeyd edək ki, Azərbaycan Turizm Assosiasiyasının (AZTA) təşkilatçılığı, Mədəniyyət və Turizm Nazirliyinin dəstəyi ilə baş tutacaq yarmarkada 25-dək turizm şirkətinin və mehmanxananın nümayəndələri öz məhsullarını təqdim edəcək. Yarmarkada Azərbaycan daxilində reallaşdırılacaq Novruz turları, Bakıda və regionlarda fəaliyyət göstərən hotellərdə, istirahət mərkəzlərində təşkil ediləcək bayram proqramları və bu münasibətlə hazırlanmış turpaketlər barədə ölkə vətəndaşlarına məlumatlar veriləcək.
Xatırladaq ki, tədbir saat 12.00-dan axşam saat 20.00-dək davam edəcək.
