Bakıda üçüncü sosial yaşayış kompleksinin tikintisi gözlənilir

“Bu gün sosial mənzillərə ən böyük tələbat Bakıdadır. Ona görə də, birinci və ikinci layihələr paytaxtda həyata keçirilir”.

Oxu.Az xəbər verir ki, bu sözləri Mənzil İnşaatı Dövlət Agentliyinin direktoru Samir Nuriyev “Caspian Europen Club”ın təşkil etdiyi biznes forumda çıxışı zamanı deyib.

“Ola bilər ki, üçüncü layihə də Bakıda olsun. Amma regionlar da prioritetdir. Bununla belə, öncə böyük şəhərlərdə sosial mənzillər inşa olunacaq. 

Biz artıq bir neçə böyük şəhərdə olmuşuq, amma hansı olacaq, bu, torpaq ayrılmasından və maliyyə vəsaitinin imkanlarından asılı olacaq”, - deyə direktor qeyd edib.

Ülviyyə R. Əli
www.oxu.az