Dövlət Neft Fondu (SOFAZ) bu gün Azərbaycan Mərkəzi Bankında (AMB) keçirilən valyuta hərracına 35 mln. dollar məbləğində vəsait çıxarıb.
Oxu.Az-ın məlumatına görə, APA öz mənbələrinə istinadən xəbər verir ki, hərrac iştirakçıları çıxarılan valyutanın hamısını alıb.
“Hərracda tələb 37 mln. dollar ətrafında olub”, - deyə mənbə bildirib. Beləliklə, tələb təklifi təxminən 2 mln. dollar üstələyib.
Qeyd edək ki, bugünkü hərracda manatın ortaçəkili məzənnəsi 1,7296 səviyyəsində formalaşıb. Beləliklə, manatın ortaçəkili məzənnəsi bugünkü hərracda 0,3% möhkəmlənib.
Əlavə edək ki, AMB USD/AZN rəsmi məzənnəsini bu gün üçün 1,7301 səviyyəsində müəyyən edib.
U.A.
www.oxu.az
