"Tikilməkdə olan obyektlərin müdiriyyəti" publik hüquqi şəxsi Cəbrayıl şəhərində magistral su xətləri, tullantı və yağış kollektorları, həmçinin müvafiq qurğuların tikintisi üzrə keçirdiyi tenderə yekun vurub.
Oxu.Az xəbər verir ki, tender nəticəsində "Azərsutəchizattikinti" ASC ilə müqavilə bağlanılıb.
Müqavilənin məbləği 9 022 071.7 manat təşkil edir. Layihənin icra müddəti 2 dekabr 2025-ci ildən 10 aprel 2028-ci ilədək nəzərdə tutulub.
Müqavilə çərçivəsində müxtəlif tikinti-qazıntı işləri yerinə yetiriləcək. Bunlara birinci qrup qruntlarda buldozerlərlə qazıntı və daşınma, ekskavatorlarla qazıntı və yükləmə, özüboşaldan avtomobillərlə yük daşınması, torpaq yolların təmiri və saxlanılması, həmçinin ikinci qrup qruntlarda qazıntı işləri daxildir.
