Dövlət ümumi təhsil müəssisələrində adambaşına maliyyələşdirmə prinsipi əsasında hər bir şagirdə düşən illik təhsil xərclərinin məbləği təsdiqlənib.
Oxu.Az xəbər verir ki, bununla bağlı Baş nazir Əli Əsədov qərar imzalayıb.
Qərara əsasən, təhsil müəssisələrinin növləri üzrə bir şagirdə düşən illik təhsil xərcləri aşağıdakı kimi müəyyən edilib:
- Tam orta ümumtəhsil məktəbi - 2 000 manat;
- Lisey - 2 200 manat;
- Gimnaziya - 2 200 manat;
- Ümumi təyinatlı internat tipli ümumtəhsil məktəbi - 2 500 manat;
- İnternat tipli lisey - 3 000 manat;
- İnternat tipli gimnaziya 3 000 manat.
Qeyd edək ki, göstərilən məbləğlər baza məbləğləridir. Həmin məbləğlərə Nazirlər Kabinetinin təsdiq etdiyi qaydalara uyğun olaraq ümumi təhsilin ayrı-ayrı səviyyələri üzrə artım əmsalları tətbiq edilir.
