Gürcüstan Azərbaycandan Ermənistana neft məhsullarının daşınması üçün simvolik qiymət müəyyən edib.
Oxu.Az-ın xəbərinə görə, bu barədə "Sputnik Gürcüstan" nəşri məlumat verib.
Məlumata görə, rüsumlar İrəvanda iqtisadiyyat naziri Mariam Kvrivişvili ilə Ermənistanın Ərazi idarəetmə və infrastruktur naziri David Xudatyan arasında keçirilən görüşdə əsas müzakirə mövzusu olub.
Gürcüstan İqtisadiyyat Nazirliyinin açıqlamasına görə, Gürcüstan tərəfi ölkədə iri nəqliyyat infrastruktur layihələri barədə qarşı tərəfə məlumat verib, hansı ki, bunun tam tətbiqi iki ölkə arasında əlaqəni əhəmiyyətli dərəcədə yaxşılaşdıracaq.
Xatırladaq ki, Azərbaycanla Ermənistan arasında sülh gündəliyinə uyğun olaraq, ötən il dekabrın 18-də Azərbaycandan Ermənistana neft məhsullarının ixracına başlanılıb və artıq bir neçə dəfə məhsul partiyaları bu ölkəyə göndərilib. Azərbaycan neft məhsullarının Ermənistana ixracı sırf kommersiya xarakterlidir və benzin beynəlxalq bazar qiymətlərinə uyğun satılır.
