Beynəlxalq Valyuta Fondu (IMF) bu il Azərbaycanda illik inflyasiyanın 10,3% səviyyəsində olacağını proqnozlaşdırır.
Bu barədə IMF-nin “Dünya iqtisadiyyatının inkişaf perspektivləri” hesabatının oktyabr sayında bildirilir.
Sənədə əsasən, bu, fondun aprel ayına olan proqnoz göstəricisi ilə müqayisədə 1 faiz bəndi azdır.
IMF gələn il Azərbaycanda inflyasiyanın 5,6% səviyyəsində olacağını gözləyir ki, bu da əvvəlki proqnozla müqayisədə 2,4 faiz bəndi azdır. Maliyyə qurumu 2028-ci ildə Azərbaycanın inflyasiya göstəricisi ilə bağlı proqnozunu dəyişməyərək 4% səviyyəsində saxlayıb.
Qeyd edək ki, “Azərbaycan Respublikasının 2023-cü il dövlət büdcəsi”ndə inflyasiya 2022-26-cı illərdə hər il orta hesabla 6,2% səviyyəsində proqnozlaşdırılıb. 2023-cü ildə isə 6,9% səviyyəsində gözlənilir.