Mikayıl Cabbarov Abdulla Bin Touq Al Marri ilə görüşüb

İqtisadiyyat naziri Mikayıl Cabbarov Birləşmiş Ərəb Əmirliyinin (BƏƏ) iqtisadiyyat naziri Abdulla Bin Touq Al Marrinin rəhbərlik etdiyi nümayəndə heyəti ilə görüşüb.

Bu barədə Oxu.Az-a İqtisadiyyat Nazirliyindən məlumat verilib.

Bildirilib ki, görüşdə qarşılıqlı dostluq və hörmət prinsiplərinə əsaslanan Azərbaycan-BƏƏ əlaqələrinin yüksək səviyyədə olduğu, iqtisadi sahədə uğurlu əməkdaşlıq edildiyi vurğulanıb.

Tərəflər yaşıl iqtisadiyyata keçid sahəsində investisiyaların təşviqi, sənaye, biznes, ticarət və turizm əlaqələrinin genişləndirilməsi və ölkələrimizin iqtisadi diversifikasiya hədəflərinə yönəlik əməkdaşlıq imkanları barədə fikirlərini bölüşüblər.

16:22

İqtisadiyyat naziri Mikayıl Cabbarov Abdulla Bin Touq Al Marri ilə görüşüb.

Oxu.Az xəbər verir ki, bu barədə nazir öz "X" hesabında paylaşım edib.

Nazir həmkarı ilə iki ölkə arasındakı iqtisadi əlaqələrdən bəhs etdiklərini bildirib.

"BƏƏ-nin iqtisadiyyat naziri, həmkarım Abdulla Bin Touq Al Marrinin rəhbərlik etdiyi nümayəndə heyəti ilə görüşməkdən məmnun olduq. Ölkələrimizin iqtisadi sektorda birgə fəaliyyəti, ticarət, investisiya, sənaye parkları və yaşıl enerji sahəsində əməkdaşlığın genişləndirilməsi barədə müzakirələr apardıq" - deyə, nazir qeyd edib.

BƏƏ-nin iqtisadiyyat naziri, həmkarım Abdulla Bin Touq Al Marrinin rəhbərlik etdiyi nümayəndə heyəti ilə görüşməkdən məmnun olduq. Ölkələrimizin #iqtisadi sektorda birgə fəaliyyəti, #ticarət, #investisiya, sənaye parkları və #yaşılenerji sahəsində əməkdaşlığın genişləndirilməsi… pic.twitter.com/UE5Ks8V3KJ

— Mikayil Jabbarov (@MikayilJabbarov) April 25, 2025