"Azərbaycan və İsrail münasibətləri siyasi etimada və konstruktiv dialoqa əsaslanan möhkəm təmələ malikdir. Bu təməl siyasi və institusional səviyyələrdə uzunmüddətli qarşılıqlı fəaliyyətlə möhkəmləndirilib".
Oxu.Az xəbər verir ki, bunu Bakıda keçirilən Azərbaycan-İsrail biznes forumunda iqtisadiyyat naziri Mikayıl Cabbarov bildirib.
O deyib ki, yüksəksəviyyəli təmaslar ikitərəfli münasibətlərin gücləndirilməsində həlledici rol oynayır:
"Xüsusilə ötən həftə Davosda Dünya İqtisadi Forumu çərçivəsində dövlət başçılarımız arasında keçirilən görüşdə tərəflər Azərbaycan-İsrail münasibətlərinin müxtəlif sahələr üzrə ardıcıl inkişafını nəzərdən keçirib və əməkdaşlığın daha da genişləndirilməsi üçün perspektivli imkanları müəyyən ediblər.
Qarşılıqlı maraq doğuran sahələrdə praktik və nəticəyönümlü yanaşma əsasında İsraillə iqtisadi əməkdaşlığın dərinləşdirilməsi Azərbaycan üçün strateji prioritet olaraq qalır. Eyni zamanda, ikitərəfli hüquqi çərçivəmiz güclənib".
Məhərrəm Əliyev
