Mikayıl Cabbarov koronavirusa görə göstərilən maliyyə dəstəyinin məbləğini açıqladı

“Azərbaycanda koronavirus pandemiyası ilə əlaqədar 21 min 432 vergi ödəyicisinə 37 milyon 930 min 300 manat ödənilib”.

Oxu.Az-ın xəbərinə görə, bunu Nazirlər Kabineti yanında operativ qərargahın keçirdiyi mətbuat konfransında İqtisadiyyat naziri Mikayıl Cabbarov bildirib.

Onun sözlərinə görə, dövlətin sahibkara maliyyə dəstəyinin məbləği minimum 250, maksimum isə 5 000 manatdır.

Nazir qeyd edib ki, koronavirusdan zərər çəkənlərin qeyri-neft sektorunda payı 46,4 faizdir.

İlhamə Əbülfət