"2025-ci ilin gözlənilən artım tempi nəzərə alınmaqla 2022-2025-ci illərdə orta illik hesabla ÜDM-in 3.3% artması gözlənilir ki, bu da strategiya ilə müəyyən edilmiş diapazon (3-4%) çərçivəsindədir".
Oxu.Az xəbər verir ki, bunu iqtisadiyyat naziri Mikayıl Cabbarov Milli Məclisin plenar iclasında "2026-cı il dövlət büdcəsi haqqında" qanun layihəsinin müzakirəsi zamanı bildirib.
Nazir qeyd edib ki, ÜDM-in artımı tamamilə qeyri-neft-qaz sektorunun inkişafı hesabına təmin olunmaqla, bu sektor üzrə ÜDM-in orta illik artımının 6% olacağı gözlənilir. Bu, 2022-2026-cı illərə dair sosial-iqtisadi inkişaf strategiyası ilə müəyyən olunmuş hədəfdən (5%) 1.1 faiz bəndi yüksəkdir.
M.Cabbarov bildirib ki, 2019-2025-ci illərdə orta illik artım templəri üzrə lider sahələr - informasiya və rabitə (11%), qeyri-neft-qaz sənayesi (9.7%), nəqliyyat və anbar təsərrüfatı (7.8%) olub:
"Nisbətən aşağı orta illik artım templəri isə tikintidə (4.4%), turizmdə (4.1%), kənd təsərrüfatında (3.2%), ticarətdə (3%), sosial və digər xidmətlərdə (2.9%) olub".
Məhərrəm Əliyev
