Azərbaycan Parlamenti bu gün 2013-cü ilin fəaliyyəti haqqında dövlət hesabatını dinləyib.
Oxu.Az abc.az-a istinadən xəbər verir ki, Parlamentin spikeri Oqtay Əsədov 2013-cü ildə ölkə iqtisadiyyatının inkişafına nail olunduğunu deyib.
Dünya iqtisadiyyatında böhrana baxmayaraq, inflyasiya dayandırılıb, makro iqtisadi sabitlik təmin edilib.
“2013-cü ilin nəticələrinə görə Azərbaycanın ÜDM artımı 5,8% olub, dünya ÜDM artımı 2,1%-dir.
İqtisadiyyatın neft sektorunun artımı keçən il 10%, ÜDM isə neft sektorunun payı 3,1%-dən 56,6%-dək artıb. Hesabat ili ərzində Dövlət Neft Fondunun vəsaiti 1,8 milyard dollardan 36 milyard dollara qədər artıb.
Mərkəzi Bankın valyuta rezervləri 21%, 14,1 milyard dollar artıb, ölkənin strateji valyuta rezervləri 50 milyardı keçib”, - spiker bildirib.
Onun sözlərinə görə, keçən il hamını narahat edən neftin qiyməti ilə bağlı proqnozlar da düz çıxıb, belə ki, neftin bir bareli 109,1 dollar olub. Həmçinin Azərbaycan dünyanın 149 ölkəsi ilə 34,7 milyard dəyərində ticarət əlaqələri realizə edib, bu dövriyyənin 44%-i Aİ ölkələrinin payına düşür. Keçən il ölkə iqtisadiyyatına 22 milyard manat və ya 28 milyard dollar investisiya qoyulub, onun 62%-i yerli investorların payına düşür.
“Orta əməkhaqqı 2013-cü ildə 6,2% artaraq 470 manat olub, ölkədə yoxsulluq 5,3%-dir” – spiker deyib.
2013-cü ilin nəticələri üzrə dövlət hesabatını Azərbaycanın baş naziri Artur Rəsizadə oxuyub.
