ABŞ-da buruq qurğularının sayının azalması fonunda cümə günü ani bahalaşmadan sonra, bazar ertəsi neftin dünya qiymətlərinin neqativ dinamikası müşahidə edilir.
Oxu.Az Rusiya mətbuatına istinadən xəbər verir ki, Kiyev üzrə mart fyuçerslərinə görə, Brent markalı neftin qiyməti bir barel üçün 2,5% ucuzlaşaraq 51,66 dollardan ibarət olub.
WTI markalı neftin mart fyuçerslərinə görə qiyməti 2,53% ucuzlaşaraq bir barel üçün 47,02 dollardan ibarət olub. Cümə günü Baker Hughes neft-qaz servis şirkəti məlumat verib ki, keçən həftənin nəticələrinə görə buruq qurğularının ümumi sayı 90 ədəd azalaraq 2010-cu ilin minimumuna qədər 1,543 minə çatıb.
Cümə günü satışları nəticəsində neftin qiyməti 6% artıb. Sinqapurda Phillip Futures investisiya analitiki Deniel Anq (Daniel Ang) Frans Press-ə bəyan edib ki, qiymətlərin dəyişməsi spekulyativ olub. “Neftin qiymətlərinin fundamental dəyişikliklər olmadan diapazondan çıxmasına ehtimal azdır, ona görə də cümə günü qiymətlərin artması xüsusi idi”, - analitik deyib.
O qeyd edib ki, qiymətlər bazarın tələb və təklifi korrektə etməyə cəhd etdikcə möhkəmlənir.
Neftin qiymətlərinin ucuzlaşmasını, bazar günü metallurqçuların həmkarlar təşkilatının 200-dən çox neftemalı zavodlarının, terminalların, boru-kəmər və kimyəvi zavodlarında nümayiş elan edən ABŞ-dan gələn xəbərlər də təsdiqləyir.
Agentliyin qeyd etdiyi kimi, ABŞ-da NEZ-nın işinin dayanması bazarda neft xammalının bolluğu ilə əlaqədar vəziyyəti pisləşdirəcək. Bağlanmış NEZ gün ərzində 1,82 milyon ton yanacaq istehsal edə bilər – bu isə ABŞ istehsalatının ümumi istehsalat həcminin 10%-i deməkdir.
