Altı ərəb ölkəsinin Qətərlə diplomatik əlaqələrini kəsməsi səbəbindən bu gün səhər saatlarından etibarən neftin qiyməti yüksəlməyə başlayıb.
Oxu.Az "RİA Novosti"yə istinadən xəbər verir ki, "Brent" markalı neftin qiyməti cümə gününün qapanışı ilə müqayisədə 1,2% artaraq 48,3 dollar/barelə çatıb.
Bildirək ki, Bəhreyn, Səudiyyə Ərəbistanı, Misir və Birləşmiş Ərəb Əmirlikləri (BƏƏ) Qətərin Fars körfəzinə çıxışını qapadıblar. Bu da öz növbəsində dünyanın ən böyük neft hasilatına sahib olan bölgədə gərginlik yaradıb.
L.Ə.
