“Sınıq Körpü”dən keçən nəqliyyatın sayı bəlli oldu

2018-ci ilin may ayında Tovuz Gömrük İdarəsinin “Sınıq Körpü” gömrük postunda ümumilikdə 58933 nəqliyyat vasitəsi keçib.

Oxu.Az xəbər verir ki, bu barədə Dövlət Gömrük Komitəsində Fəaliyyətin Qiymətl­əndirilməsi və İnkiş­af Proqramları Baş İdarəsinin Texnoloji İnnovasiyalar İdarəs­inin rəisi Azər Abas­ov deyib.

O bildirib ki, gün ərzində “Sınıq Körpü” gömrük postunda idxal və ixrac xəttindən ümumi olaraq 2000-ə yaxın nəqliyyat vasitəsi yoxlanılır:

“Ötən gün  ərzində 2209 nəqliyyyat vasitəsi həm idxal, həm də ixrac edilib. 2017-ci ilin müvafıq dövründə bu rəqəm 2183 olub. Dünən gün ərzində bu postdan ölkəyə 650 minik avtomovili daxil olub, 642 avtomobil isə ölkədən çıxıb”.

O gömrük məntəqəsində yaranan sıxlığa da aydınlıq gətirib.Qeyd edib ki, prosedurlar Gürcüstan tərəfində olduğu kimi sadələşdiriləcək.

Leyla Əliyeva
www.oxu.az