SOCAR dənizdə daha bir quyu istismara verib

“Səngəçal-dəniz - Duvannı-dəniz - Xərə - Zirə adası” yataqlar blokundakı qəzalı vəziyyətdə olan 282 nömrəli estakadayanı meydançada təmir-bərpa işləri başa çatdırılıb.

Bu barədə Azərbaycan Dövlət Neft Şirkətindən  (SOCAR) Oxu.Az-a bildirilib.

“Meydançadakı fəaliyyətsiz fondda olan 202 nömrəli quyu aparılmış əsaslı təmir işlərindən sonra istismara verilib.

Quyu məhsuldar qat çöküntülərinin VII horizontundan qazlift üsulu ilə məhsul verib, 2 772-2 622 metr intervaldan gündəlik 26 ton neft hasilatı ilə istismara daxil edilib.

Quyuda istismar işləri “Azneft” İstehsalat Birliyinin N.Nərimanov adına NQÇİ tərəfindən həyata keçirilir”, - deyə şirkətdən qeyd edilib.

Ülviyyə R. Əli
www.oxu.az