SOFAZ daha beş ton qızıl alacaq

Azərbaycan Dövlət Neft Fondunun (SOFAZ) qızıl ehtiyatlarının həcmi 2013-cü ilin sonuna kimi 30 tona çatdırılacaq.

Oxu.Az APA-Economics-ə istinadən xəbər verir ki, bunu Fondun icraçı direktoru Şahmar Mövsümov bildirib.

Onun sözlərinə görə, indiyədək Fond tərəfindən 25 ton qızıl alınıb və ilin sonunadək daha 5 ton qızılın alınması nəzərdə tutulur.

Ş.Mövsümov deyib ki, qızılın baha olması fonunda Fond tərəfindən qızıla investisiya yatırılması fikri düzgün deyil:

“Qızıla investisiyalar strateji xarakter daşıyır. Qızılın qiymətinin dəyişkənliyi Fondu narahat etmir, çünki bu daimi prosesdir. Hazırda hökumətlə birlikdə qızılın alışının davam etdirilməsi barədə müzakirələr gedir”.

www.oxu.az