"Ölkəmizdə 245 Çin şirkəti aktiv fəaliyyət göstərir".
Oxu.Az xəbər verir ki, bu sözləri Bakıda "Şanxay Əməkdaşlıq Təşkilatı (ŞƏT) Nümayiş Zonası - Azərbaycanda Logistika və Ticarətin Təşviqi" mövzusunda keçirilən konfransda İxracın və İnvestisiyaların Təşviqi Agentliyi - AZPROMO-nun icraçı direktoru Yusif Abdullayev deyib.
O qeyd edib ki, Çin Azərbaycanın əsas ticarət tərəfdaşlarından biridir:
"Bu ilin yanvar-may aylarında Çin və Azərbaycanın ticarət dövriyyəsinin həcmi ötən ilin eyni dövrü ilə müqayisədə 26% artaraq 1.3 milyard ABŞ dolları təşkil edib. Hazırda ölkəmizdə 245 Çin şirkəti sənaye, kənd təsərrüfatı, nəqliyyat, tikinti, ticarət və xidmət sahələrində aktiv fəaliyyət göstərir", - deyə icraçı direktor qeyd edib.
Nəzrin Vahid
