Ağcabədidə qardaşı arvadını qətlə yetirməkdə təqsirləndirilən şəxsə HÖKM OXUNUB

Ağcabədidə qardaşı arvadını öldürməkdə təqsirləndirilən Elgiz Sərhad oğlu Məhərrəmova hökm oxunub.

"Report" xəbər verir ki, Lənkəran Ağır Cinayətlər Məhkəməsində hakim Xamməd Nuriyevin sədrlik etdiyi prosesdə hökm oxunub.

Hökmə əsasən, Elgiz Məhrrəmov 10 il 6 ay müddətə azadlıqdan məhrum edilib.

Qeyd edək ki, hadisə bu ilin may ayında Ağcabədi rayonunda baş verib. Rəsmi məlumata görə, Elgiz Məhərrəmov rayonun Sarıcalı kəndi ərazisində yerləşən evdə qardaşı arvadı Nəzmiyyə Məhərrəmovaya bıçaqla xəsarət yetirərək öldürməkdə təqsirli bilinib.

O, Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib.