Ağstafa rayonunda sahibkar çobanı oğurlayıb fermasında qanunsuz saxlayıb.
Oxu.Az-ın məlumatına görə, hadisə rayonun Saloğlu qəsəbəsində baş verib.
Etibar adlı şəxs Qazax rayonundan olan Yaşar adlı sahibkarı oğurlayıb fermasına gətirib və əvvəlcə ona ayda 180 manat əməkhaqqı verəcəyini deyib. Yaşar həmin məbləğlə razılaşıb və Etibar onu fermada hamam kimi istifadə olunan yarımtikilidə saxlayıb.
Bir müddətdən sonra Etibarın iki qoyunu ölüb. O, bu hadisənin səbəbini Yaşarda görüb və bundan sonra ona əməkhaqqı verməyib. Yaşar fermadan getmək istəsə də, Etibar onun getməsinə icazə verməyib. Sahibkar Yaşarın mobil telefonunu alıb qırıb, sənədlərini isə özündə saxlayıb.
Bu yolla Etibar Yaşarı 1 il 2 ay fermada saxlayaraq ona xüsusi əzab verib, döyüb, təhqir edib.
Şəraitdən bezən Yaşar başqa şəxsdən telefon alaraq Daxili İşlər Nazirliyinin "102" xidmətinə zəng vurub, fermada girov saxlanıldığını deyib.
Keçirilən əməliyyat-axtarış tədbirləri nəticəsində Yaşar azad edilib, fermer isə saxlanılıb.
Gəncə Ağır Cinayətlər Məhkəməsinin hökmü ilə Etibar 6 il azadlıqdan məhrum edilib.
Aqil Vəlili
