Bakı metrosunda qadına qarşı əxlaqsızlıq etdi - Həbs olundu

Bakı metrosunun "28 May" stansiyasında qadına qarşı qeyri-etik hərəkətlər edən şəxs saxlanılıb.

Oxu.Az "Qaynarinfo"ya istinadla xəbər verir ki, hadisə 13 yanvar 2025-ci il tarixdə, saat 09:10-da metronun "İnşaatçılar" stansiyasından "Həzi Aslanov" stansiyası istiqamətində gedən qatarda baş verib.

Belə ki, R.T. adlı qadın qatarda olan zaman arxasında dayanan tanımadığı şəxs əli ilə bir neçə dəfə ona toxunub. Qadın öncə bunun təsadüfən olduğunu zənn edib.

Lakin təqsirləndirilən şəxs - E.C. qeyri-etik hərəkətlərinə davam etdiyindən o, buna iradını bildirib.

Həmin şəxs metronun "28 May" stansiyasında qatardan düşəndə zərərçəkmiş qadın qışqıraraq hadisə yerinə polis çağırıb.

Məhkəmənin qərarı ilə 1995-ci i l təvəllüdlü E.C . İnzibati Xətalar Məcəlləsinin 510-cu maddəsində nəzərdə tutulmuş əməli törətməkdə təqsirli bilinib və 10 gün müddətinə həbs edilib.