Bakı şəhər sakini arvadını boğaraq öldürüb. Hadisə Sabunçu Rayon Pirşağı qəsəbəsində qeydə alınıb.
Oxu.Az Vesti.Az-a istinadən xəbər verir ki, Bakı şəhər sakini, 1979-cu il təvəllüdlü Emin Xasay oğlu Heydərov ailə münaqişəsi zəminində həyat yoldaşı, 1987-ci il təvəllüdlü Şəhanə Nağıyevanı boğub.
İstintaq zamanı məlum olub ki, cütlük dünən məhkəmə qaydası ilə boşanıb. Şəhanə Nağıyeva atası evinə qayıdıb.
Bu gün Heydərov qayınatasının evinə gedərək Nağıyeva ilə mübahisə edib. Münaqişə nəticəsində ər öz arvadını öncə hazırladığı ip ilə boğub.
Hadisədən sonra Heydərov Polis İdarəsinə gəlib.