Хətai RPİ-nin 37-ci polis bölməsinin əməkdaşlarının keçirdikləri əməliyyat axtarış tədbirləri nəticəsində CM-nin 178-ci (dələduzluq) maddəsi ilə axtarışda olan 35 yaşlı Azər Əsgərov həbs edilib.
Oxu.Az APA TV-yə istinadən xəbər verir ki, o, ötən il tanış olduğu qadının etibarından sui-istifadə etməklə onu müəssisələrin birinə kompüter dizayneri düzəldəcəyinə söz verərək, 2000 manat pulunu mənimsəməkdə təqsirləndirilir.
Qadından pulu alandan sonra Azərin mobil telefonuna zəng çatmayıb.
İstintaq ehtimal edir ki, bu, Əsgərovun birinci əməli deyil.
Faktla bağlı Xətai rayon polis idarəsinin istintaq şöbəsində araşdırmalar davam edir.
