Bakıda quldurlar ev sahibinin boğazına ip keçirərək onun pul və silahlarını aparıblar.
Oxu.Az Report-a istinadən xəbər verir ki, hadisə Suraxanı rayonunda qeydə alınıb.
Belə ki, Dədə Qorqud qəsəbəsində yeni tikilidə yaşayan 1945-ci il təvəllüdlü Həsənov Hafiz Baladadaş oğlu iki nəfər naməlum şəxsin hücumuna məruz qalıb. İki nəfər evin pəncərəsindən içəri daxil olaraq H.Həsənovun başına yorğan atıb, boğazına ip keçirərək hədə-qorxu gəliblər. Naməlum şəxslər çarpayının altındakı 1400 manat pulu, müvafiq sənədləri olan “Toz-12” və “Toz-16” markalı ov tüfəngini götürüblər.
Faktla bağlı Suraxanı Rayon Polis İdarəsində araşdırma aparılır.
A.M.
