Mətbəxi təmizləməyə görə iki nəfəri bıçaqladı: Qanlı hadisənin TƏFƏRRÜATI

Paytaxtın Nizami rayonunda bıçaqlanma hadisəsi baş verib.

Oxu.Az Baku TV-yə istinadən məlumat verir ki, hadisə rayonun Bəhruz Nuriyev küçəsində yerləşən binalardan birində qeydə alınıb.

Məlumata görə, Rahib İsmayılov eyni evdə kirayədə yaşadığı Kamal Bayramov və Sahil Dövlətovla mübahisə edib. Bir müddət sonra mübahisənin bitməsinə baxmayaraq, R.İsmayılov həmin şəxslərə yatdıqları yerdə bıçaqla çoxsaylı xəsarətlər yetirib.

"Hadisə gecə saatlarında olub. Təxminən 4-ə qalmış mühafizəçi zəng edib dedi ki, bıçaqlanma hadisəsi baş verib. Eşitdiyimə görə, mübahisə qab yumaq üstündə düşüb. Polis əməkdaşlarından öyrəndim ki, həmin şəxs əvvəllər də bıçaqlanma hadisəsinə görə 7 il həbsdə olublar", - deyə binanın komendantı Nemət Babayev deyib.

Hər iki yaralı ağır vəziyyətdə xəstəxanaya çatdırılıb. Cinayəti törətməkdə şübhəli bilinən R.İsmayılov isə polis əməkdaşları tərəfindən saxlanılıb.

Ətraflı süjetdə:

Mətbəxi təmizləməyə görə iki nəfəri bıçaqladı: Qanlı hadisənin TƏFƏRRÜATI

11:26

Bakının Nizami rayonunda baş vermiş bıçaqlanma hadisəsinin bəzi detalları məlum olub.

Oxu.Az-ın əldə etdiyi məlumata görə, eyni evdə kirayədə yaşayan Kamal Bayramov, Sahil Dövlətov və Rahib İsmayılovun mətbəx üstündə mübahisələri yaranıb. Mətbəxin təmizlənməsi ilə bağlı növbələşmədə razılığa gələ bilməyən tərəflərin mübahisəsi bıçaqlanma ilə nəticələnib. Məlumata görə, tərəflərdən ikisi - Kamal Bayramov və Sahil Dövlətov birləşib, nəticədə təklənən tərəf - Rahib İsmayılov digər iki nəfəri bıçaqlayıb.

Aləmdə Nəsib

09:52

Bakıda dava bıçaqlanma ilə nəticələnib.

Oxu.Az APA-ya istinadla xəbər verir ki, hadisə Nizami rayonunda baş verib.

Rahib İsmayılov birlikdə kirayədə yaşadığı Kamal Bayramov və Sahil Dövlətovla mübahisə edib. Mübahisə nəticəsində bıçaqla K.Bayramov və S.Dövlətova müxtəlif dərəcəli bədən xəsarətləri yetirilib.

Faktla bağlı cinayət işi başlanılıb.

İş üzrə R.S.İsmayılov şübhəli şəxs qismində saxlanılıb.