Vanda Nara Türkiyədə "ilin qadını" seçildi

"Qalatasaray" klubunun ulduzu Mauro İkardinin keçmiş həyat yoldaşı Vanda Nara Türkiyədə "ilin qadını" mükafatına layiq görülüb.

Oxu.Az "Milliyet" qəzetinə istinadən xəbər verir ki, Vanda Nara bu səbəbdən İstanbula səfər edib.

Naranın "İlin qadını" mükafatını alması da tənqidlərə səbəb olub. Sosial şəbəkə istifadəçiləri "Deyəsən, başqa namizəd yox idi", "O, bu mükafatı almaq üçün nə edib?", "Naradan başqa namizəd var idimi?", "O, bu mükafatı hansı meyarlara görə alıb?" kimi şərhlər yazıblar.

Türkiyəli məşhur müğənni Işın Karaca rəsmi "X" sosial şəbəkə hesabından məsələ ilə bağlı paylaşımda Vanda Naranı tənqid edib.

"Bəs sən Türkiyəni sevmirdin? İkardiyə minlərlə söz de, Türkiyəni pislə, sonra da gəl "ilin qadını" mükafatını al", - deyib və gülüb.