Bakıda tələbə qızın qatili tapıldı – ŞOK

Ötən gün günorta saatlarında başı kəsilən 20 yaşlı Günel Etibar qızı Nuriyevanın qatili məlum olub.

Oxu.Az ANS PRESS-ə istinadən xəbər verir ki, Xətai rayon prokurorunun köməkçisi Şəbnəm Məmmədovanın verdiyi məlumata görə, gənc tələbəni elə onun öz doğma bacısı kəsib.

“Günel Nuriyevanı onun öz bacısı Pərvanə Nuriyeva öldürüb. Bacısını qətlə yetirən Pərvanə Nuriyeva saxlanılıb. Qətlin səbəbi bilinmir. Hazırda istintaq davam edir”, - deyə Şəbnəm Məmmədova bildirib.

Vesti.Az saytının məlumatına görə, Pərvanə Nuriyeva öz bacısını onunla yola getmədiyi üçün öldürdüyünü bildirib.

Qeyd edək ki, hadisə Xudu Məmmədov küçəsi 18 ünvanında qeydə alınıb. Həmin ünvanda bacıları ilə birlikdə yaşayan, 20 yaşlı Günel Etibar qızı Nuriyevanın başı kəsilmiş meyiti tapılıb. G.Nuriyevanın meyitini onun bacısı günorta saatlarında evə gələrkən aşkarlayıb.

Qətlə yetirilən G.Nuriyeva Bakıda fəaliyyət göstərən musiqi məktəblərindən birinin ikinci kursunda oxuyurmuş.

20 yaşlı Günel Etibar qızı Nuriyevanın ailəsi Şəkidə sayılıb-seçilən ailələrdən biridir.

Onun atası Etibar Nuriyev tanınmış biznesmendir.

Etibar Nuriyevin Şəkidə bir neçə ticarət obyektləri, torpaq sahələri var. Ailənin 3 qız övladı var. Qızlardan ikisi əkizdir. Qətlə yetirilən Günel Nuriyeva isə ailənin böyük qızı idi.

www.oxu.az