Şəmkirdə 45 yaşlı qadın bıçaqlandı, əri saxlanıldı

Şəmkirdə bıçaqlanma hadisəsi baş verib.

Oxu.Az APA-ya istinadla xəbər verir ki, 1979-cu il təvəllüdlü K.Muxtarova bıçaq xəsarəti ilə xəstəxanaya yerləşdirilib və əməliyyat edilib.

İlkin məlumatlara görə, qadın həyat yoldaşı tərəfindən bıçaqlanıb.

Şəmkir Rayon Polis Şöbəsi əməkdaşlarının keçirdikləri tədbirlər nəticəsində hadisəni törətməkdə şübhəli bilinən 1972-ci il təvəllüdlü R.Muxtarov saxlanılaraq istintaqa təhvil verilib.

Faktla bağlı araşdırma aparılır.