Şirvanda baş verən bıçaqlanma ilə bağlı TƏFƏRRÜAT ortaya çıxıb

Şirvanda baş verən bıçaqlanma ilə bağlı yeni təfərrüat ortaya çıxıb.

Oxu.Az Lent.az-a istinadən məlumat verir ki, cinayət hadisəsini törədən və zərərçəkən Qarabağ qaziləridir.

Belə ki, hadisəni törədən Qəmbər Salayev və yaralanan Nəsrəddin Abışov Vətən müharibəsində iştirak ediblər.

Hazırda hadisə ilə bağlı araşdırma davam etdirilir.

15:53

Şirvan sakini bıçaqlanıb.

Oxu.Az APA-ya istinadla xəbər verir ki, hadisə Şirvan şəhərində qeydə alınıb.

Şirvan sakini, 1997-ci il təvəllüdlü Nəsrəddin Rüstəm oğlu Abışov tanışı Qəmbər Salayev tərəfindən bıçaqlanıb.

Yaralı döş qəfəsinin və qoltuq nahiyəsinin kəsilmiş-deşilmiş yarası ilə Şirvan xəstəxanasına yerləşdirilib və əməliyyata götürülüb.

Daxili İşlər Nazirliyinin Mətbuat Xidmətinin Şirvan regional qrupundan bildirilib ki, Q.Salayev aralarında yaranmış mübahisə zəminində həmyerlisi N.Abışova müxtəlif dərəcəli bədən xəsarətləri yetirib.

Q.Salayev polis əməkdaşları tərəfindən saxlanılıb, araşdırmalar aparılır.