Siyəzəndə polisin əməliyyatları zamanı dörd nəfər saxlanılıb

Siyəzəndə polis əməkdaşları tərəfindən həyata keçirilən tədbir zamanı rayon ərazisində 12 baş xırdabuynuzlu heyvanı oğurlamaqda şübhəli bilinən Murad Muradov və Yavər Umudov saxlanılıblar.

Oxu.Az xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, keçirilən digər əməliyyat nəticəsində Azay Qurbanov və tanışı Vüsal Qurbanov saxlanılıblar.

Araşdırmalarla onların müxtəlif vaxtlarda rayon ərazisində "Man" markalı yük avtomobillərindən akkumulyator və bir evdən oğurluq etdikləri müəyyən olunub.

Faktlarla bağlı Siyəzən Rayon Polis Şöbəsində cinayət işləri başlanılıb araşdırmalar davam etdirilir.

Siyəzəndə polisin əməliyyatları zamanı dörd nəfər saxlanılıb