Sumqayıtda ata oğlunu bıçaqladı: İnternet xəttinə görə başlayan mübahisənin TƏFƏRRÜATI

İnternet xəttinə görə mübahisə atanın oğlunu bıçaqlaması ilə nəticələnib.

Oxu.Az Xəzər TV-yə istinadla xəbər verir ki, hadisə Sumqayıt şəhərində baş verib.

İddialara görə, mübahisə qayınatanın gəlinin internet vasitəsilə danışmasına icazə verməməsindən sonra başlayıb.

İki bıçaq zərbəsi alan Şahmar Muradov dərhal xəstəxanaya çatdırılıb. Xəstəxanadan verilən məlumata görə, yaralı təcili əməliyyat edilib, hazırda vəziyyətinin orta-ağır olduğu bildirilir.

Bıçaqlanan şəxsin nənəsi Vəzifə Həşimovanın iddiasına görə, hadisə qayınatanın gəlinə qarşı söyüş söyməsi və internet xəttini kəsməsi səbəbindən baş verib. Sərdar Muradov gəlinin internetlə danışmasını dayandırmaq üçün evdəki internet xəttini ayırıb. Bu vəziyyətdən xəbər tutan Şahmar Muradov atası ilə mübahisə edib. Mübahisə daha sonra bıçaqlanma ilə nəticələnib.

Hadisədən sonra gəlin evi tərk edib.

Daxili İşlər Nazirliyinin Mətbuat Xidmətinin baş inspektoru, polis leytenantı Lumu İsrafilli bildirib ki, dekabrın 26-da saat 22:00-da Sumqayıt şəhərində 38 yaşlı Şahmar Muradova kəsici alətlə xəsarət yetirməkdə şübhəli bilinən 67 yaşlı atası Sərdar Muradov polis əməkdaşları tərəfindən saxlanılıb.

Faktla bağlı araşdırma aparılır.

Mövzu ilə bağlı videomaterialı təqdim edirik:

Sumqayıtda ata oğlunu bıçaqladı: İnternet xəttinə görə başlayan mübahisənin TƏFƏRRÜATI

09:30

"Sumqayıtda oğlunu bıçaqlayan ata saxlanılıb".

Bu məlumatı Oxu.Az-a açıqlamasında Daxili İşlər Nazirliyinin (DİN) Mətbuat Xidmətinin baş inspektoru polis leytenantı Lumu İsrəfilli verib.

"Dekabrın 26-sı, saat 22:00-da Sumqayıt şəhəri ərazisində 1986-cı il təvəllüdlü Ş.Muradova kəsici alətlə xəsarət yetirməkdə şübhəli bilinən 1957-ci il təvəllüdlü S.Muradov polis əməkdaşları tərəfindən müəyyən olunaraq saxlanılıb. Faktla bağlı araşdırma aparılır", - deyə açıqlamada bildirilir.

Əzizə İsmayılova

08:40

Sumqayıtda ata oğlunu bıçaqlayıb.

APA xəbər verir ki, hadisə Hacı Zeynalabdin qəsəbəsində qeydə alınıb.

1957-ci il təvəllüdlü Sərdar Xanbaba oğlu Muradov aralarında baş vermiş münaqişə zəminində oğlu, 1986-cı il təvəllüdlü Şahmar Sərdar oğlu Muradova bıçaqla xəsarət yetirib.

Yaralı dərhal xəstəxanaya çatdırılıb.

Faktla bağlı araşdırma aparılır.