Ən son xəbərləri bizim "X" səhifəmizdə izləyin
Tərtərdəki qətlin ŞOK TƏFƏRRÜATI: Oğluna təklif edib ki, arvadını o öldürsün
Mayın 13-də saat 10 radələrində Tərtər rayonu, Poladlı kənd sakini 1990-cı il təvəllüdlü Hafizə Rzayevanın yaşadığı evdə öldürülməsi barədə rayon prokurorluğuna məlumat daxil olub.
Oxu.Az xəbər verir ki, bu barədə Baş Prokurorluğun Mətbuat Xidmətindən bildirilib.
İlkin araşdırmalarla 1957-ci il təvəllüdlü Şəhriyar Hüseynovun aralarında yaranmış mübahisə zamanı bıçaqla xəsarətlər yetirərək gəlini Hafizə Rzayevanı qəsdən öldürməsinə əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin üzrə 120.1-ci (qəsdən adam öldürmə) maddəsi ilə cinayət işi başlanıb. Şəhriyar Hüseynov iş üzrə şübhəli şəxs qismində tutulub.
Hazırda istintaq davam edir.
Tərtərdəki qətlin ŞOK TƏFƏRRÜATI: Oğluna təklif edib ki, arvadını o öldürsün
Tərtərdə baş verən dəhşətli qətl hadisəsinin təfərrüatları məlum olub.
Kənd sakinlərinin Oxu.Az-a verdiyi məlumata görə, hadisə namus üstə baş verib. Məlumata görə, 1990-cı il təvəllüdlü Hafizə Hüseynova ailəli olduğu halda, başqası ilə sevgili olub və onun qayınatası Şəhriyar Hüseynov bundan xəbər tutub. O, bu barədə dəfələrlə evində gəlininə və oğluna xəbərdarlıq edibmiş.
Məlumata görə, kişi oğluna təklif edib ki, həyat yoldaşını qətlə yetirsin, amma oğlu onu eşitməyib. Bu gün səhər saatlarında Ş.Hüseynov mətbəx bıçağı ilə gəlinin yataq otağına daxil olaraq onu xüsusi amansızlıqla qətlə yetirib. Ş.Hüseynov gəlinini 24 bıçaq zərbəsi ilə qətlə yetirib.
Hadisəni törədən Ş.Hüseynov bıçaqla birlikdə Tərtər Rayon Polis Şöbəsinə gələrək hadisəni törətdiyini etiraf edib və polisə könüllü olaraq təslim olub.
Tərtər rayonunda dəhşətli qətl hadisəsi baş verib.
Oxu.Az-ın məlumatına görə, hadisə rayonun Poladlı kəndində qeydə alınıb. Kənd sakini 1957-ci il təvəllüdlü Şəhriyar Hüseynov evində gəlini Hafizə Hüseynova ilə mübahisə edib. Mübahisə nəticəsində S.Hüseynov 1990-cı il təvəllüdlü H.Hüseynovanı qətlə yetirib.
Hadisəni törətməkdə təqsirləndirilən qayınata Ş.Hüseynov saxlanılıb.
Aqil Vəlili
"Ölüm hadisəsi" teqi üzrə xəbərlər
Ən çox oxunanlar
