Üç ildir axtarışda olan qadın həbs edildi

Üç ildir insan alverinə görə axtarışda olan 40 yaşlı Aygün Kərimova (ad və soyad şərti) həbs edilib.

“Qafqazinfo”nun əldə etdiyi məlumata görə, təqsirləndirilən şəxs polis əməkdaşları tərəfindən keçirilən əməliyyatla tutulub. 

Ona qarşı Cinayət Məcəlləsinin 144-1.2.1-ci (insan alveri) maddəsi ilə yekun ittiham elan edilib.

Xanım müttəhim iki nəfər həmcinsini cinsi istismara məruz qoymaqda təqsirləndirilib. 

İstintaq orqanı tərəfindən toplanmış materiallar baxılması üçün məhkəməyə göndərilib.