Cənubi Avstraliya Universitetinin və ABŞ-nin "AdventHealth" institutunun alimləri məşqin yaşlı insanlarda beyin sağlamlığına təsirini araşdırıblar.
Oxu.Az xəbər verir ki, bu barədə araşdırmanın nəticələri institutun saytında yerləşdirilib.
Onlar belə bir qənaətə gəliblər ki, məşqlər yaşlı insanlarda beyin sağlamlığını ancaq ürək döyüntülərinin artdığı təqdirdə yaxşılaşdıra bilər.
Tədqiqatda ABŞ-dən olan 65-80 yaş arası 585 könüllü iştirak edib. Tədqiqatçılar 24 saat ərzində fiziki fəaliyyətin idrak qabiliyyətinə necə təsir etdiyini öyrənməyə çalışıblar.
Test nəticələri göstərib ki, gündəlik hərəkətlilik səviyyəsinin artması məlumatın işlənməsi sürəti, icra funksiyası və yaddaşın yaxşılaşması ilə əlaqələndirilir. Ancaq bu müsbət təsirlər bir şəxs orta və yüksək intensivlikdə məşq etdikdə baş verir. Alimlər izah ediblər ki, məşq zamanı ürək döyüntüsü artdıqda, beyin daha səmərəli işləməyə başlayır.
Alimlərin fikrincə, beyini gücləndirən ən yaxşı fəaliyyətlər sürətli gəzinti, akvaaerobika və ya qaçışdır.
