Tsukerberq: Profildəki real ad pasporta görə ad deyil

Facebook sosial şəbəkəsinin yaradıcısı Mark Tsukerberq onlayn rejimdə istifadəçilərin suallarını cavablandırıb.

Oxu.Az xarici KİV-ə istinadən xəbər verir ki, sosial şəbəkələrdə real adlardan istifadədən söhbət düşüb.

Bəziləri Facebook-un bu sahədəki münasibətini diskriminasiya hesab edirlər. Lakin sosial şəbəkə yaradıcısının rəyinə görə, əsl adlardan istifadə etməklə dost tapmaq, müxtəlif hücum və təhqirlərdən qaçmaq olar.

“Bəzilərinin bizim siyasətimizin necə olması ilə bağlı şübhələri var. Profildəki real ad pasport üzrə ad deyil. Real ad sizin gündəlik həyatda istifadə etdiyiniz, dostlarınızın sizi çağırdıqları addır. Əgər onlar sizi ləqəblə çağırırlarsa, və siz bu addan Facebook-dakı akkauntunuzda istifadə etmək istəyirsinizsə, sizin belə bir imkanınız olmalıdır”, - deyə, Tsukerberq bildirib.

www.oxu.az