Yer üzünün "ən böyük balinası" adlandırılan Laythaus rifi hətta kosmosdan da görünür.
Oxu.Az xəbər verir ki, bu, NASA tərəfindən yayımlanan fotolarda öz əksini tapıb.
Rifdə yerləşən dünyaca məşhur Böyük Mavi Dəlik (diametri 318 metr, dərinliyi 124 metr) kosmosdan baxıldıqda "balinanın nəfəs dəliyi"nə bənzəyir.
Qeyd edək ki, Karib dənizində yerləşən Laythaus rifi başdan quyruğa qədər ölçüldükdə təxminən 42 kilometr uzunluğa malikdir. Təxminən 10 min il əvvəl, son buzlaşma dövründən sonra dəniz səviyyəsinin qalxması nəticəsində su altında qalan bu təbii möcüzə 1970-ci illərdə Jak-İv Kusto tərəfindən araşdırıldıqdan sonra məşhurlaşıb. Kusto onu "dünyanın dalğıclıq üçün ən gözəl beş yerindən biri" adlandırıb.
Hazırda Laythaus rifi UNESCO-nun Dünya İrsi Siyahısına daxildir.
