Ən son xəbərləri bizim "X" səhifəmizdə izləyin

Bəzi incəsənət işçilərinə 10 min manata yaxın pul VERİLƏCƏK
Mədəniyyət Nazirliyinin tabeliyində fəaliyyət göstərən Azərbaycan Respublikası Kino Agentliyi (ARKA) istehsal ediləcək film layihələrinin bədii və texniki qiymətləndirilməsinə başlayır.
Oxu.Az İqtisadiyyat.az-a istinadən xəbər verir ki, layihələrin bədii və texniki qiymətləndirilməsi işləri ARKA-da fəaliyyət göstərən Bədii Şura üzvlərinə həvalə edilib.
Belə ki, aşağıdakı şəxslər Kino Agentliyində fəaliyyət göstərən Bədii Şura üzvü olaraq istehsal ediləcək film layihələrinin bədii və texniki qiymətləndirilməsi işlərini aparacaqlar:
1) Mahmudov Abduləhəd Əliisa oğlu
2) Camalov Vüqar Vaqif oğlu
3) Əliyev Rüstəm Qədim oğlu
4) Paşayev İlqar Əli oğlu
5) Rzayev Yavər Maarif oğlu
6) Hüseynli Səbinə Vaqif qızı
Razılaşmaya əsasən, ARKA qeyd olunan şəxslərin hər birinə birillik müqavilə əsasında, bir il müddətində vergi daxil olmaqla hər ay təxminən 800 manat ödəniş edəcək.
Xatırladaq ki, Kino Agentliyində bir müddətdir kifayət qədər nüfuzlu peşəkarlardan ibarət Bədii Şura fəaliyyətə başlayıb. Filmlərin istehsalata buraxılmasına və hazır sənət nümunəsi kimi qəbul olunmasına Bədii Şura qərar verir.
"Azərbaycan Respublikası Kino Agentliyi" teqi üzrə xəbərlər
- Rasim Balayev: "Proseslər elə gedir ki, bizim heç nədən xəbərimiz yoxdur"
- Əlisa Cabbarov: "Kinoya ayrılan pullar yığılıb qalıb, XƏRCLƏNMİR"
- ARKA İkinci Qarabağ müharibəsindən sonra istehsal etdiyi filmləri təqdim edib
- Xalq artistinin nəvəsinə yüksək vəzifə verildi
- Tarixə qovuşan ANİMASİYA FİLMLƏRİMİZ - Uşaqlar üçün cizgi filmləri niyə ÇƏKİLMİR?