Xalq artisti Əlibaba Məmmədov dəfn olundu - YENİLƏNİB + FOTO

Xalq artisti Əlibaba Məmmədov dəfn olunub.

Oxu.Az-ın məlumatına görə, o, bu gün günorta saatlarında I Fəxri xiyabanda torpağa tapşırılıb.

Xalq artistinin dəfn mərasimində mədəniyyət nazir Anar Kərimov, mərhumun ailə üzvləri və ictimaiyyət nümayəndələri iştirak edib.

13:22

Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Xalq artisti Əlibaba Məmmədovun dəfn mərasiminə əklil göndəriblər.

Oxu.Az-ın məlumatına görə, əklil Xalq artistinin məzarı önünə qoyulub.

Qeyd edək ki, Xalq artisti 92 yaşında vəfat edib.

09:52

Xalq artisti Əlibaba Məmmədovun dəfn yeri məlum olub. 

Mədəniyyət Nazirliyindən Oxu.Az-ın sorğusuna cavab olaraq bildirilib ki, Xalq artisti bu gün saat 13:00-da I Fəxri Xiyabanda dəfn olunacaq. 

Qeyd edək ki, Xalq artisti ötən gün vəfat edib.

O, 5 fevral 1930-cu ildə Bakının Maştağa kəndində anadan olub. Əlibaba Məmmədovun xanəndə kimi yetişməsində Bakının və Abşeron kəndlərinin özünəməxsus muğam mühiti böyük rol oynayıb.

Xatırladaq ki, bir müddət əvvəl Xalq artistinin oğlu Seyran Məmmədov da vəfat edib.

İlhamə Əbülfət

FOTO: Kərim Abbasov