Xankəndi İnstitutunun keçmiş müəllimi: “Qarabağda ali məktəbin bərpasını həsrətlə gözləyirdik” - VİDEO

“Mən bütün Azərbaycan xalqını təbrik edirəm. Çünki biz Qarabağda universitetin bərpasını həsrətlə gözləyirdik”.

Bunu Baku TV-yə açıqlamasında Xankəndi Pedaqoji İnstitutunun keçmiş müəllimi Zəfər Hüseynov deyib.

“Noyabrın 24-də saytların birinə verdiyim müsahibəmdə demişdim ki, 1973-cü ilin 26 noyabrında ulu öndər Heydər Əliyev Xankəndi Pedaqoji İnstitutunun yaradılması barədə tapşırıq vermişdi. Qeyd etdim ki, indi də Prezident İlham Əliyevin Xankəndi Dövlət Universitetinin yaradılması barədə göstəriş verməsini gözləyirik. Təsəvvür edirsiniz, bunu mən ayın 24-də dedim və bu gün artıq Qarabağ Universitetinin yaradılması ilə bağlı sərəncam imzalandı. Sevincimin həddi-hüdudu yoxdur”, - o söyləyib.

Ətraflı süjetdə: