26 
Fev
2024
21:04
206
10
2046
Virtual karabakh

Türkiyəli deputat Ermənistanla sərhədin açılması üçün əsas şərti açıqlayıb

26 Fev, 2024
21:04
2046

Türkiyəli deputat Ermənistanla sərhədin açılması üçün əsas şərti açıqlayıb

Bizim WhatsApp kanalımıza buradan abunə ola bilərsiniz

“Azərbaycanla Ermənistan arasında bütün problemlər həll olunmayana qədər Türkiyə Ermənistanla sərhədini açmayacaq”.

APA-nın məlumatına görə, bunu Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrım Ankarada “Türkiyə-Azərbaycan Dostluq Vəqfi” və Türkiyə Böyük Millət Məclisinin təşkilatçılığı ilə Xocalı soyqırımının 32-ci ildönümü münasibətilə baş tutan anım mərasimində çıxışı zamanı bildirib.

O qeyd edib ki, Ermənistan Azərbaycan və Türkiyəyə qarşı ərazi iddiaları əks olunan Konstitusiyasını dəyişməlidir, əks halda belə bir dövlətlə sülh mümkün olmayacaq. Onun sözlərinə görə, Azərbaycan və Türkiyə bu prosesi yaxından izləyir.

Şamil Ayrım, həmçinin, iki ölkənin münasibətlərinin Şuşa Bəyannaməsindən irəli gələn prinsiplərə uyğun olaraq daha da dərinləşdiyini bildirərək, bütün Türk dünyasının birləşməsinin son dərəcə əhəmiyyətli olduğunu vurğulayıb.

Bizimlə əlaqə saxlayın

Digər Siyasət xəbərləri