“News4” xəbər proqramının aparıcısı, ana olmağa hazırlaşan Natalie Pasquarella qonaq olduğu proqramda televiziya tarixində nadir görülə biləcək hadisəni yaşayıb.
Oxu.Az bu barədə xarici mətbuata istinadla xəbər verir.
Hamilə qadınlarda suyun gəlməsi doğuş öncəsi əlamətdir. Hamiləliyin səkkizinci ayında olan aparıcı da canlı yayımda bu vəziyyətlə üzləşib. Teleaparıcı proqramda ona ünvanlanan suallara cavab vermədən əvvəl xəcalətlə gülümsəyib, amma həmkarları heç nədən şübhələnməyib. N.Pasquarella xəbər yayımı bitənə qədər dözüb və proqram sona çatdıqdan sonra xəstəxanaya aparılmasını istəyib. Proqramın prodüseri və həmkarları onu xəstəxanaya çatdırıb. Orada onu həkimlərlə yanaşı, həyat yoldaşı da qarşılayıb. Cütlüyün bir övladı dünyaya gəlib.
