Müğənni Aygün İsmayılova Türkiyədə nişanlanıb.
Oxu.Az xəbər verir ki, bu barədə Axşam.az saytına sənətçinin özü məlumat verib.
O, Haluk adlı nişanlısının türk vətəndaşı olduğunu deyib:
“Nişan iyulun 9-da İstanbulda oldu. Nişanlım Türkiyədə yaşasa da, atası azərbaycanlıdır. Toy mərasimi sentyabrda Bakıda, oktyabrda isə İstanbulda olacaq. Nikahdan sonra Türkiyəyə köçüb orada yaşayacağam. Sənətdən uzaqlaşıram. İstanbulda oxuduğum məktəbdə müəllim kimi çalışacağam. Azərbaycanda isə yalnız dəvət olunduğum verilişlərə qatılacağam”.
Qeyd edək ki, Aygün İsmayılova “Yeni ulduz” yarışmasının iştirakçısı olub.
www.oxu.az
