Hollivud ulduzu Ben Afflek məşhur "Jeopardy!" intellektual yarışmasının çempionu Ceymi Dinqlə birlikdə "Kim milyonçu olmaq istəyir?" televiziya şousunun Amerika versiyasında iştirak edərək bir milyon dollar məbləğində baş mükafata sahib çıxıb.
Oxu.Az xəbər verir ki, bu barədə "People" nəşri məlumat yayıb.
Əldə edilən vəsait aktyorun özünün təsis etdiyi "Eastern Congo Initiative" adlı xeyriyyə fonduna köçürüləcək. Bu təşkilat uzun illərdir silahlı münaqişələrdən əziyyət çəkən Konqo Demokratik Respublikasının şərq bölgəsində yerli ictimai birliklərə və humanitar layihələrə dəstək göstərir.
Milyon dollarlıq həlledici sual ABŞ prezidentinin Şükran Günü ərəfəsində ənənəvi olaraq əfv etdiyi hinduşkalar üçün təklif olunan adlardan hansının heç vaxt istifadə edilməməsi ilə bağlı olub. Köməklərdən istifadə etdikdən sonra Afflek və Dinq "Spaghetti & Meatball" variantını seçiblər və bu cavab doğru çıxıb.
