Abşeron rayonunun Qobu qəsəbəsində sakinlər kanalizasiya suyunun küçəyə axıdılmasından şikayətləniblər.
Oxu.Az xəbər verir ki, bununla bağlı sosial şəbəkələrdə videogörüntülər yayılıb.
Bildirilib ki, kanalizasiya sularının küçəyə axması nəticəsində ətraf əraziyə kəskin üfunət yayılır. Sakinlər əlavə ediblər ki, yaranmış vəziyyət həm sanitar-gigiyenik problemlərə səbəb olur, həm də yolun asfalt örtüyünün sıradan çıxmasına gətirib çıxarır.
Oxu.Az-ın sorğusuna cavab olaraq İri Şəhərlərin Su Təchizatı Xidmətindən bildirilib ki, sözügedən ərazidə Regional Su Meliorasiya Xidmətinə məxsus tullantı su şəbəkəsi mövcud deyil.
"Bu səbəbdən ərazidə yaranmış mövcud problem Regional Su Meliorasiya Xidmətinin fəaliyyət sahəsinə aid hesab edilmir", - deyə məlumatda bildirilib.
