“Maşın şou”: Sərxanın Minaya cavabı gecikmədi - VİDEO

“Maşın şou. Hind kinosu”ndan çıxmağa namizəd elan olunmasa da, Mina Hüseynlə Sərxan Kərəmoğlu arasında çəkişmələr səngimir.

M. Hüseyn Oxu.Az-a açıqlamasında bildirib ki, şoudan çıxmağa namizəd olsa və tamaşaçılar onun qalmasına səs versələr, mütləq layihədən Sərxanı uzaqlaşdıracaq.

S. Kərəmoğlunun cavabı özünü çox gözlətdirməyib.

“Bu oyundur və adətən oyundan güclü oyunçunu uzaqlaşdırmağa çalışırlar. Deməli güclü oyunçuyam, çünki birinci gün müzakirə olunmuram. Bu gün mənə çətin olacaq. Lakin məni müzakirəyə çıxaracaq şəxsi sevirəm və ona hörmət edirəm. Şounun aparıcısı Murad Dadaşov mikrofonla mənə yaxınlaşanda, öz fikirlərimi açıqlayacağam”, - deyə o vurğulayıb.

“Maşın şou”: Sərxanın Minaya cavabı gecikmədi - VİDEO

Fəal olmayan oyunu ilə diqqətimizi cəlb edən Xose Bernardo isə bunu deyib:

“Burada çox danışmaq olmaz, fəal olanları dərhal oyundan kənarlaşdırırlar”.

Aydan Axundzadə də məsələ ilə bağlı fikrini açıqlayıb. O bildirib ki, susmaq və üzdə olmamaq yalnız bəhanədir.

Saat 22.00-da ATV-də “Maşın şou. Hindkinosu”nu izləməyi unutmayın.

Qeyd edək ki, “Maşın Şou. Hind kinosu”na informasiya dəstəyini Oxu.Az-la yanaşı videoportal Baku.TV verir.

Cavid Osmanov

Operator: Valeh Arifoğlu
www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar